Post la kutimaj ferioj, denove aperas la septembra numero de PANORAMO DE LA GRANDA INSULO. Nia gazeto taskas al si raporti pri la vivo, kulturo, lingvo kaj parto de la historio de Malagasoj kaj de ilia lando Malagasio. Vi mem malkovros per ĝi la belecon de nia lando, vi sentos la gastamon de ĝia popolo kaj ĝuos pri la abunda riĉaĵo de ĝia naturo kaj medio. Inter aliaj eroj, ni proponas al vi artikolon pri la Arboretum (arbovartejo) de Antsokay sude de la lando. Ni traktas ankaŭ la temon pri roko kaj ŝtono laŭ la pensmaniero de la Altebenaĵanoj dum parto de la malagasa historio koncernas la unuajn vizitantojn de la okcidenta marbordo de Malagasio. Sed ni lasu al niaj geabonantoj pli legi la ilustritajn 19 paĝojn Pdf de tiu ĉi-numero. Krom la kutimaj abonperantoj, vi povas tuj pagi al ni la jarabonon (€ 30) uzante paypal.me/paiementahenriel. Agrablan legadon al vi ĉiuj !
Aminda Radio Esperanto 