Blogejo pri nia retradio AMINDA RADIO ESPERANTO kaj pri nia gazeto PANORAMO DE LA GRANDA INSULO. Nia paĝo celas esti ligilo kun vi ĉiuj, kiuj finance subtenas nin. Kaj ankaŭ por aboni al la gazeto, bv ĝiri la koston (jarabono: 30 €) per ''paypal.me/paiementahenriel''
La maja numero de Panoramo de la Granda Insulo proponas al niaj geabonantoj artikolon pri piratoj vivintaj en kelkaj lokoj de la lando. Ni povas legi ankaŭ la duan parton de nia temo rilate kelkajn kutimojn de la tribo Betsimisaraka el la oriento de Malagasio. Aliaj artikoloj kaj originala verkaĵo de Malagasino atendas la gelegantojn. Se ankaŭ vi deziras aboni al nia gazeto, ne hezitu kontakti nin. Al vi ĉiuj, agrablan legadon kaj ĝis la venonta numero !
La ELSENDO N°131 de Aminda Radio Esperanto proponas al vi la duan parton de sia kultura artikolo pri malhelpoj kaj malpermesoj rilate geedziĝon en Malagasio. Alia interesa temo koncernas la « zazavavindrano » aŭ iaspeco de feino priloĝanta la akvajn areojn en la lando. Krom tio, vi povas sekvi ankaŭ kelkajn novaĵojn de la kuranta monato. Ni ilustras nian podkaston per iu bela kanto de la bando Konga Espero. Pro frua sonregistrado de tiu ĉi elsendo, ni enmetos en la venontan podkaston nekrologon pri la forpaso de nia kara amiko Ralalarisoa Justine (Lala). Al ĉiuj ni bondeziras agrablan aŭskultadon kaj ĝis la venonta fojo !
La aprila numero de Panoramo de la Granda Insulo proponas al vi artikolojn pri la betsimisaraka kutimo rilate malfeliĉan eventon. Aparte menciindaj lokoj estas la du tuneloj en Antananarivo. « Nenio estas pli malfacila ol en Andriba » iĝas proverbo kaj mito tamen grava historia fakto estas malantaŭ ĝi. Cetere, interparolo kun juna fakulo pri biogaso informas nin pri la diversaj bremsiloj por disvolvi tiun energifonton en Malagasio. Sed nepras ke la gelegantoj mem malkovros la aliajn interesajn erojn de nia gazeto. Ni invitas vin aboni al nia gazeto (jarabono kostas € 30) se vi deziras pli scii pri la malagasa popolo kaj ĝia bela lando Malagasio.
Nia ELSENDO N°130 proponas al vi en sia rubriko pri la malagasa kulturo la unuan parton de la artikolo pri la malhelpoj kaj malpermesoj rilate geedziĝon. Krom tio, Henriel deklamos al vi unu el siaj poemoj el sia poemlibro DUON-ete. Ni cetere ilustras nian podkaston per la kanto de la bando ĴeLe kunlabore kun Vinilkosmo. Kiel kutime, ni ne forgesis prezenti al vi kelkajn novaĵojn de Malagasio dum la kuranta monato.
APARTE MENCIINDAJ ESPRIMOJ EN TIU ĈI-PODKASTO
fidi-d, Paypal, UEA, fady, Zafindraminia, Antemoro, Andriana, Hova, Betsileo, Freddy, CENI, MATAC, DUON-ete, ĴeLe, Vinilkosmo, La Vivo, Sentokaoso,
Ranavalona la 1a, Rainilaiarivony, Lena, Ĵenja,
Schwedt,
Iom pli dika ol kutime estas nia marta numero. Mi rekomendas al vi legi artikolon pri la uzado de lignokarbo en Malagasio, temas ja pri grava problemo postulanta urĝegan solvon. Nia rubriko pri historio raportas al vi la komercan situacion de la lando en la 19a jarcento. Krom aliaj interesaj artikoloj, aldonaĵo estas la malagasigo de la nacia himno ukrainia el la Esperanta kaj franca versioj.
Agrablan legadon al vi ĉiuj !
La ELSENDO N°129 de Aminda Radio Esperanto proponas al sia aŭskultantaro la duan kaj lastan parton de sia artikolo pri la hegemonio de la etno Sakalava dum la 19a jarcento. Kelkaj novaĵoj en Malagasio dum la kuranta monato sekvas tion. Nia rubriko pri kulturo prezentas al vi la originale verkitan Esperanto-novelon « La ŝuld-premego » kaj iu kanto de Brassens interpretita de Jacques Yvart ilustras la finon de nia podkasto. Aminda Radio Esperanto estas la ĝisnuna unika Esperanto-podkasto el Afriko, ni bezonas vian financan helpon por la plua ekzistado de nia retradio. Bv ĝiri vian kontribuon al la UEA konto « fidi-d » (kun la mencio Aminda) aŭ per « paypal.me/paiementahenriel ». Aminda Radio Esperanto sincere dankas vin kaj bondeziras al vi agrablan aŭskultadon !
https://youtu.be/DsOIMdiFcLc
La nuna numero estas pli dika pro tio, ke mi aperigas ene la unuan parton de la novelo verkita de nia amikino Ranja Zafinifotsy. Mi rekomendas al vi ankaŭ la artikolon pri la malagasa tambavy (dekoktaĵoj) uzataj de multaj Malagasoj ĉiutage. Kaj alia alloga temo koncernas la komercon inter Malagasio kaj Germanio en la 19a jarcento. Mi lasas al vi malkovri la ceterajn erojn.
Atendante viajn reagojn, mi bondeziras al vi agrablan legadon kaj ĝis la venonta numero.
Ne hezitu informi pri nia gazeto ĉe viaj geamikoj kaj samkluban(in)oj !
Tiu ĉi-ELSENDO N° 128 estas la lasta podkasto 30minuta ĉar la venontaj dissendoj daŭros po 20 minutoj pro diversaj kialoj pri kiuj temas la dua rubriko de ELSENDO N° 128. Alia rubriko traktas la malagasan historion pri la hegemonio de Sakalava — la duan parton de tiu artikolo vi povas sekvi en la venonta podkasto. Cetere, ni proponas al vi kelkajn novaĵojn pri Malagasio dum la kuranta monato sen forgesi la kutiman Esperanto-kanton kaj la lecioneton pri la malagasa lingvo. Aminda Radio Esperanto bonvenigas viajn komentojn kaj bondeziras al vi ĉiuj agrablan aŭskultadon !
APARTE MENCIINDAJ VORTOJ EN TIU ĈI-PODKASTO
Antalaotra, Ankoala, Sakalava, Chenoso, CEPE, BEPC, CISCO, CHAN, BAREA, ariary, CENI, linkedin, DjPod.com, www.amindaradio.wordpress.com, Lasu min plu kanti, Blua Horizonto, Vinilkosmo,
Tristan da Cunha, Alphonse d’Albuquerque, Pronis, Rakool, Rojo Be, Tsiry, Kjara Raggi, Renato Corsetti, Giafranco Molle,
Fort-Dauphin, Menabe, Saint-Augustin, Boeny, Mangoky, Andohatapenaka, Toamasina,
xxxxxxxxxxxxxxxxxxxxxxxxxxxxxxxxx
Salama Tompoko !
Veloma
Velona
Veloma indry !
Veloma ialahy !
Veloma ianareo !
Veloma Tompoko !
Veloma mandram-pihaona !
Veloma mandrakizay !
Manao veloma anao aho Tompoko !
Mametraka ny veloma Tompoko !
Veloma finaritra ary Tompoko !
Veloma finaritra ary Tompoko !
Denove preta por la legado estas la januara numero de nia gazeto Panoramo de la Granda Insulo. En tiu numero, vi konatiĝos kun fama verkistino de infanlibroj. Vi pli scios ankaŭ pri la urbo de Marovoay, kie oni multe produktas rizon. Sed eble vi ne scias ke mestiza reĝo jam reĝis en Tamatave meze de la 19a jarcento. Tamen necesas ke vi mem legos la ceterajn artikolojn por bone koni Malagasion kaj ties popolon. Panoramo de la Granda Insulo raportas pri la vivo, kulturo, historio kaj lingvo de Malagasoj kaj ilia lando Malagasio. Ĝi aperas monate en formato pdf kaj la jara abonkosto estas € 30. Eblas pagi la koston i.a. per Paypal al « paypal.me/paiementahenriel ».
La unua podkasto de Aminda Radio Esperanto por 2023 estas ĵus alŝutita en jutubon kaj de tie transiras al fejsbuko, linkedino kaj aliaj sociaj retoj. En tiu ELSENDO N°127 ni proponas al vi la sekvon de la rubriko pri la tradukado de la Biblio kaj ĝia konsekvenco sur la malagasa lingvo. Vi povas sekvi ankaŭ kelkajn novaĵojn pri Malagasio. Antaŭ ol aŭskulti la inicon al la malagasa lingvo, vi konatiĝos kun la konga Esperanto-artisto Zhou-Mack Mafuila. Ni bondeziras al vi sukcesan novjaron kaj agrablan aŭskultadon !
APARTE MENCIINDAJ VORTOJ EN TIU ĈI-PODKASTO
Johns, Freeman, Ranavalona la 2a, Griffiths, Zhou-Mack Mafuila,
Zanahary, Andriamanitra, MAF Madagascar, UNICEF, Ariary, Global Voice, soanambo, Soanambo For Life, WASH, Soanamad, WaterAid, Royal Academy of Engineering, ONN, Intergenta am’, Originoj, Vinilkosmo,
Androy, Anosy, Atsimo Andrefana, Atsinanana, Brickaville, Atsimo Antsinanana, Farafangana,
Tratry ny taona vaovao !
Lanonam-pahavaratra ka ny maraina ihany no tsara
Fahavaratra
varatra
Kotroka
Tselatra
Rahona mainty
Mitrahotraho ny orana
Orana
Orana mivatravatra
Manerika
Nilatsaham-potaka aŭ nilatsaham-baratra
fotaka
Manavandra
Malama ny lalana
Mamotaka ny lalana
Lena
Tondraka ny rano
Veloma mandram-pihaona !
Aminda Radio Esperanto 